Gertjen

Benny woont met 6 hönde in ’n vols te kleine flat
Met zien hazewinde dötte an wedstrieden met
Hi-j dacht: ”Wacht, ik spuit ze EPO in de reet!
En dan es effen zien hoe dat morgen dan geet…”

Gertjen stök wandelende takken in de fik
En schildert op slakkenhuuskes ‘Te Koop’
Ieder zien ding, elke gek zien gebrek
kZie en heur ’n hoop, a’k zo rondloop

Moar 1 ding hebt ze allemoal gemeen:
Ze woont met zien allen in ’n flatjen
Ze past met zien allen goed op mekaar
En dan veural op den onbenul Gertjen

Yvon ´n deerntjen van 50 klusten d´r ´soavends wat bi-j
Bi-j de soos he-j’t nie breed, dus ging ze languut
Euren arbeidsconsulent zat echter ok in de ri-j
Ze schrok zich kapot en eur gebit viel ok nog uut

Rosalie, de vrouw van Hänsken, pröt met geesten
Veural met die van heur onder de auto gekommen beesten
Hänsken goochelt wel ‘ns veur de kinder met de koniene van Yvon
Laatst was Gertjen d’r bi-j en toen vielen ze brandend van’t balkon

Moar 1 ding hebt ze allemoal gemeen:
Ze woont met zien allen in ’n flatjen
Ze past met zien allen goed op mekaar
En dan veural op den onbenul Gertjen

Herman hef ’n Tshirt an van ´Man Biet Hond´
Met de camera van de kringloop löp in de buurte rond
Meestal um een uur of 6 belte bi-j de mensen an
Met de vroag: “Wat he-j gedoan” en offe “effen anschoeven kan?”

Veurig moand kwam d’r ’n brief van de woningbouw:
De flat was ’t min of meer nie weerd en de sloop kwam ok al gauw
Um en rond ’t flatjen bunt de mensen opgelucht
Dat ze verlost bunt van den bizarre klucht

En ik vind ut allemoal gemeen
Ze hadden ’t best in ’t flatjen
Ze past allemoal goed op mekaar
En dan veural op den onbenul Gertjen

Töt an de moan