Kief

A-k ow zo zie dan denk ik: Wat’n rimpelheini
Telecaster Toet-Anch-Amon, rock ’n’ roll Khomeini
Zo old as i’j d’r uut ziet, zo old wordt i’j nooit
Moar petjen af Kief, hoe i-j ’t met ow lèvenslust rooit

I’j hebt ow zelf wis en woarachtig leren kennen,
I’j hebt ’t blauwe bloed van de rock ’n roll, net as John Lennon
Oh Kief mien mafkezerigen bonte piroat
I-j bunt van ’t slag gitaristen met ‘n iezeren ruggengroat

Oh Kief, oh Kief, den hölt de poot stief, den geet gewoon deur
Oh Kief, onzen Kief, gitaar strak um’t lief, den spölt gewoon deur

A-k ow zo zie dan denk ik: Hier kump Mr. rock ‘n’ roll
‘Boomwörtelkes’ as kromme klauwen, un kop as een dode zeerol
Oh Kief mien mafkezerigen bonte piroat
I-j bunt van ’t slag gitaristen met ‘n iezeren ruggengroat

Oh Kief, oh Kief, den hölt de poot stief en geet gewoon deur
Oh Kief, oh Kief, gitaar strak um’t lief den geet gewoon deur
Oh Kief, oh Kief, ach keerl toch asteblief, goa gewoon deur
Oh Kief, oh Kief, gitaar strak um’t lief den geet gewoon deur

Colombiaans marcheerpoeier, ow lever heet Whiskytown
Bruun en wit, Jumping Jacks, dat had ’n ander allang um ‘ehouwen
Meer teer in de longen, dan d’r lig op de route 66
Moar die gèle klauwtjes  van ow, die spölt de allergeilste licks

Oh Kief, oh Kief, den hölt de poot stief, den geet gewoon deur
Oh Kief, oh Kief, gitaar strak um’t lief den geet gewoon deur
Oh Kief, oh Kief, ach keerl toch asteblief, goa gewoon deur
Oh Kief, oh Kief, gitaar strak um’t lief den geet gewoon deur…

Kief